Xəbərlər

5 nömrəli Respublika xüsusi internat məktəbinin kollektivi üçün İsmayıllı–Qəbələ turu

ETİHİ Nərimanov Rayon Komitəsinin təşkilatçılığı ilə Sağlamlıq imkanları məhdud uşaqlar üçün 5 nömrəli Respublika xüsusi internat məktəbinin kollektivi üçün İsmayıllı–Qəbələ istiqamətində istirahət gəzintisi təşkil olunub.

Həssas kateqoriyadan olan uşaqların təlim-tərbiyəsi ilə məşğul olan müəllim və əməkdaşlar böyük məsuliyyət, səbir və yüksək peşəkarlıq nümayiş etdirirlər. Onların gündəlik fəaliyyətində göstərdikləri fədakarlıq və zəhmət cəmiyyətimiz üçün xüsusi dəyər daşıyır.

Məhz bu baxımdan təşkil olunan istirahət səfəri kollektiv tərəfindən böyük məmnunluqla qarşılanıb. Füsunkar təbiət mənzərələri, səmimi ünsiyyət, xoş əhval-ruhiyyə və birlikdə keçirilən yaddaqalan anlar həmkarlarımızın dincəlməsinə, mənəvi rahatlıq tapmasına və yeni enerji toplamasına imkan yaradıb.

ETİHİ Nərimanov Rayon Komitəsi təhsil işçilərinin sosial rifahının yüksəldilməsi, asudə vaxtlarının səmərəli təşkili və onların əməyinə dəyər verilməsi istiqamətində fəaliyyətini bundan sonra da davam etdirəcək.

Sağlamlıq imkanları məhdud uşaqlar üçün 5 nömrəli Respublika xüsusi internat məktəbinin dəyərli kollektivinə möhkəm cansağlığı, tükənməz enerji və gələcək fəaliyyətlərində yeni uğurlar arzulayırıq.

#İsmayıllıQəbələTuru #Kollektivİstirahəti #XüsusiTəhsil #FədakarMüəllimlər #Yayİstirahəti #ETİHİNərimanovRK #ETİHİ #AHİK

164 nömrəli körpələr evi–uşaq bağçasının kollektivi Qubada istirahət təşkil olunub.

ETİHİ Nərimanov Rayon Komitəsinin təşkilatçılığı ilə 18.07.2026-ci il tarixində 164 nömrəli körpələr evi–uşaq bağçasının kollektivi üçün Quba şəhərinə istirahət gəzintisi təşkil olunub.

Səfər iştirakçıları Qubanın ecazkar təbiətindən zövq alıb, maraqlı və əyləncəli vaxt keçirərək birgə istirahətin sevincini yaşayıblar. Səmimi söhbətlər, xoş ovqat və gözəl xatirələrlə yadda qalan bu gün həmkarlarımızın gündəlik iş yükündən uzaqlaşmasına, yeni enerji toplamasına və kollektiv ruhunun daha da möhkəmlənməsinə imkan yaradıb.

ETİHİ Nərimanov Rayon Komitəsi bundan sonra da təhsil işçilərinin sosial rifahına, mənalı asudə vaxtının təşkilinə və həmkarlar arasında həmrəyliyin gücləndirilməsinə xidmət edən təşəbbüslərini davam etdirəcək.

164 nömrəli körpələr evi–uşaq bağçasının kollektivinə xoş əhval, möhkəm cansağlığı və yeni uğurlar arzulayırıq!

#QubaGəzintisi #Kollektivİstirahəti #Yayİstirahəti #BağçaKollektivi #BirlikdəGüclüyük #ETİHİNərimanovRK #ETİHİ #AHİK

ETİHİ Nərimanov Rayon Komitəsinin təşkilatçılığı ilə Xalq Təhsil Muzeyinin kollektivi Quba rayonunun füsunkar Təngəaltı istirahət məkanına səfər edib.

ETİHİ Nərimanov Rayon Komitəsinin təşkilatçılığı ilə Xalq Təhsil Muzeyinin kollektivi Quba rayonunun füsunkar Təngəaltı istirahət məkanına səfər edib.

Təbiətin gözəllikləri ilə əhatə olunan bu səfər əməkdaşlar üçün həm istirahət etmək, həm də gündəlik iş mühitindən kənarda səmimi ünsiyyət qurmaq baxımından yaddaqalan olub. Birgə keçirilən xoş anlar kollektiv arasında həmrəyliyi daha da gücləndirib, yeni fəaliyyət dövrünə müsbət əhval-ruhiyyə ilə başlamaq üçün gözəl stimul yaradıb.

Təhsil tariximizin qorunması və gələcək nəsillərə çatdırılması istiqamətində əhəmiyyətli fəaliyyət göstərən Xalq Təhsil Muzeyinin əməkdaşlarına göstərdikləri fədakar əməyə görə təşəkkür edir, onlara möhkəm cansağlığı, xoş istirahət və yeni uğurlar arzulayırıq.

#QubaTəngəaltı #Kollektivİstirahəti #TəbiətləBaşBaşa #Yayİstirahəti #ETİHİNərimanovRK #ETİHİ #AHİK

ETİHİ Nərimanov Rayon Komitəsinin təşkilatçılığı ilə 307 nömrəli körpələr evi–uşaq bağçasının kollektivi Quba rayonunun əsrarəngiz guşələrindən biri olan Təngəaltında istirahət edib.

ETİHİ Nərimanov Rayon Komitəsinin təşkilatçılığı ilə 307 nömrəli körpələr evi–uşaq bağçasının kollektivi Quba rayonunun əsrarəngiz guşələrindən biri olan Təngəaltında istirahət edib.

Sərin meşə havası, füsunkar təbiət mənzərələri və səmimi ünsiyyət bu səfəri hər bir iştirakçı üçün yaddaqalan edib. Gündəlik iş qayğılarından uzaq, birlikdə keçirilən bu xoş anlar həmkarlarımız arasında dostluq münasibətlərini daha da möhkəmləndirib, yeni tədris ili öncəsi onlara yüksək əhval-ruhiyyə və motivasiya qazandırıb.

Həmkarlarımızın mənalı istirahətinin təşkili onların əməyinə verilən dəyərin və göstərilən diqqətin daha bir nümunəsidir.

#QubaTəngəaltı #Kollektivİstirahəti #TəbiətləBaşBaşa #Yayİstirahəti #ETİHİNərimanovRK #ETİHİ #AHİK

ETİHİ Nərimanov Rayon Komitəsinin təşkilatçılığı ilə 165 və 182 nömrəli körpələr evi–uşaq bağçalarının əməkdaşları üçün istirahət gəzintisi təşkil edildi.

ETİHİ Nərimanov Rayon Komitəsinin təşkilatçılığı ilə 165 və 182 nömrəli körpələr evi–uşaq bağçalarının əməkdaşları üçün istirahət gəzintisi təşkil edildi.

Məktəbəqədər təhsildə böyük məsuliyyət və fədakarlıqla çalışan həmkarlarımızın əməyinə dəyər vermək, onların asudə vaxtının səmərəli təşkili və kollektiv ruhunun daha da möhkəmləndirilməsi Komitəmizin əsas fəaliyyət istiqamətlərindəndir.

Səfər iştirakçıları təbiətin gözəllikləri fonunda xoş və səmimi anlar yaşadılar, gündəlik iş gərginliyindən uzaqlaşaraq dincəlmək və yeni enerji toplamaq imkanı əldə etdilər.

165 və 182 nömrəli körpələr evi–uşaq bağçalarının dəyərli kollektivlərinə peşə fəaliyyətlərində uğurlar və yeni nailiyyətlər arzulayırıq!

#KollektivGəzintisi #MəktəbəqədərTəhsilİşçiləri #165_182Bağçalar #ETİHİNərimanovRK #ETİHİ #AHİK

ETİHİ nümayəndələri Qırğızıstanda keçirilən regional seminarda iştirak ediblər

8–10 iyul 2026-cı il tarixlərində Qırğızıstan Respublikasının İssık-Kul vilayətində Beynəlxalq Əmək Təşkilatının (BƏT) və Qırğızıstan Respublikasının Təhsil və Elm İşçiləri Həmkarlar İttifaqının Mərkəzi Komitəsinin birgə təşkilatçılığı ilə keçirilən "Təhsil işçilərinin hüquqlarının müdafiəsi: müasir şəraitdə həmkarlar ittifaqlarının rolu" mövzusunda regional seminarda ETİHİ nümayəndə heyətinin tərkibində Nərimanov Rayon Komitəsinin sədri də iştirak edib.

İnanırıq ki, bu cür beynəlxalq platformalarda əldə olunan təcrübə təhsil işçilərinin hüquq və mənafelərinin daha səmərəli müdafiəsinə, həmçinin həmkarlar ittifaqları arasında əməkdaşlığın daha da möhkəmlənməsinə mühüm töhfə verəcək.

ETİHİ nümayəndə heyətinin tərkibində bu mötəbər beynəlxalq tədbirdə iştirak etmək imkanı yaratdığına və göstərilən yüksək etimada görə ETİHİ Respublika Komitəsinə Nərimanov Rayon Komitəsi adından dərin minnətdarlığımızı bildiririk!

AHİK və AHİİTA- nın birgə təşkilatçılığı ilə "Sağlam həmkar" minifutbol turnirinə start verilib.

Azərbaycan Həmkarlar İttifaqları Konfederasiyasının üzv təşkilatları arasında keçirilən mini futbol turniri dostluğun,həmrəyliyin və sağlam rəqabətin gözəl nümunəsidir.

Turnirdə ETİHİ komandasının da iştirak etməsi bizə xüsusi qürur hissi yaşadır.

Ümummilli liderimiz-Heydər Əliyevin anadan olmasının 103-cü ildönümü ilə əlaqədar olaraq həyata keçirilən mini futbol yarışında I yerə layiq görülmüş ETİHİ Nərimanov Rayon Komitəsinin oyunçularının da təmsil olunması komandamızın gücünə və potensialına əlavə inam yaradır.

İnanırıq ki, meydanda nümayiş etdirdikləri əzmkarlıq, komanda ruhu və peşəkarlıq sayəsində

ETİHİ komandası turnirin sonunadək uğurla irəliləyəcək və qaliblər sırasında yer alacaq.

Komandamıza qarşıdakı oyunlarda uğurlar, möhkəm iradə və parlaq qələbələr arzulayırıq!

Əməkdaşımız ETİHİ-nin əmək qanunvericiliyi və kargüzarlıq üzrə təşkil etdiyi təlimdə sertifikat əldə etdi.

ETİHİ-nin əməkdaşları üçün əmək qanunvericiliyi və kargüzarlıq üzrə təşkil etdiyi təlimdə əməkdaşımız Vüsalə Əbilova da iştirak etdi.

Biz də Vüsalə Əbilovanı müvəffəqiyyət sertifikatı alması münasibətilə təbrik edir,işlərində uğurlar arzulayırıq.

Fəal ittifaq üzvlərinə Qəbələ istiqamətində tur təşkil olunmuşdur.

ETİHİ Nərimanov Rayon Komitəsi tərəfindən ilk təşkilatlarımızdan biri olan Rabitə və İnformasiya Texnologiyaları üzrə Bakı Dövlət Peşə Təhsili Mərkəzinin 106 nəfərdən ibarət kollektivi üçün Qəbələ istiqamətində tur təşkil olunmuşdur.

Azərbaycanın füsunkar guşələrindən biri olan Qəbələyə təşkil edilən bu səfər iştirakçılar üçün həm mənalı istirahət, həm də xoş təəssüratlarla zəngin bir gün olmuşdur. Təbiətin gözəllikləri, tarixi məkanlar və səmimi kollektiv mühiti iştirakçıların yüksək əhval-ruhiyyə ilə vaxt keçirməsinə şərait yaratmışdır.

Həmkarlar ittifaqının əsas məqsədlərindən biri də üzvlərin sosial rifahına, asudə vaxtlarının səmərəli təşkilinə və kollektiv həmrəyliyin gücləndirilməsinə töhfə verməkdir. Bu baxımdan həyata keçirilən belə tədbirlər həmkarlarımız arasında qarşılıqlı ünsiyyətin və əməkdaşlığın daha da möhkəmlənməsinə xidmət edir.

İştirakçılara xoş istirahət arzulayır, kollektivimizin hər bir üzvünə yeni uğurlar və xoş xatirələrlə dolu günlər diləyirik!

Məktəb gəzintisindən xoş xatirələr!

ETİHİ Nərimanov Rayon Komitəsinin dəstəyi ilə 73 nömrəli tam orta məktəbin 41 nəfərdən ibarət kollektivi üçün İsmayıllı–Qəbələ istiqamətində istirahət turu təşkil olunmuşdur.

Dərs ilinin gərgin və məsuliyyətli fəaliyyətindən sonra həmkarlarımız Azərbaycanın füsunkar təbiəti ilə seçilən İsmayıllı və Qəbələ rayonlarında xoş və yaddaqalan istirahət imkanı əldə etmişlər. Səfər iştirakçılara gündəlik iş rejimindən bir qədər uzaqlaşaraq mənəvi dincəlmək, təbiətin gözəlliklərindən zövq almaq və kollektiv daxilində ünsiyyəti daha da möhkəmləndirmək imkanı yaratmışdır.

Həmkarlarımızın asudə vaxtının səmərəli təşkili, sosial rifahının yüksəldilməsi və kollektiv həmrəyliyinin gücləndirilməsi ETİHİ Nərimanov Rayon Komitəsinin fəaliyyətində xüsusi yer tutur. Bu məqsədlə təşkil olunan tədbirlər üzvlərimizin motivasiyasının və iş əhval-ruhiyyəsinin yüksəlməsinə mühüm töhfə verir.

Həmkarlarımıza xoş istirahət, sağlamlıq və yeni uğurlar arzulayırıq!

ETİHİ Nərimanov Rayon Komitəsinə yeni əməkdaş qoşuldu.

ETİHİ Nərimanov RK ailəsinə yeni bir əməkdaş qoşuldu. Afət Rzayevanın kollektivimizə qoşulmasını məmnunluqla qarşılayırıq. Hər bir yeni üzv yeni ideyalar, yeni enerji və yeni uğurlar deməkdir.

Əminik ki, peşəkarlığı, təşəbbüskarlığı və zəhməti ilə kollektivimizin daha da güclənməsinə öz töhfəsini verəcək. Ona fəaliyyətində uğurlar, işində nailiyyətlər və mehriban kollektivimizdə xoş günlər arzulayırıq!

Xoş gəlmisiniz! Birlikdə daha böyük uğurlara imza atacağımıza inanırıq.

H.Əliyevin anadan olmasının 103-cü ildönümünə həsr edilmiş idman yarışlarının mini-futbol komandaları arasında qalibi Nərimanov Rayon Komitəsi oldu.

Xalqımızın ümummilli lideri Heydər Əliyevin anadan olmasının 103-cü ildönümünə həsr olunmuş idman yarışlarının təntənəli mükafatlandırma mərasimindən xüsusi və unudulmaz anlar…

Hər bir qalibi təbrik edir, bu gözəl layihənin ərsəyə gəlməsində əməyi olan hər kəsə təşəkkür edirik!